Në Shkup, autorët e panjohur kanë vjedhur bustet e personaliteteve të shquara Krste Petkov Misirkov dhe Gjorgjija Pulevski, ndërsa kanë dëmtuar bustin përkujtimor të Koço Racin. Policia është duke ndërmarrë masa për zbardhjen e rasteve dhe identifikimin e kryerësve.

Institucionet raportuan incidentet gjatë ditës së djeshme. Në orën 09:30, Ndërmarrja Publike “Parqe dhe Gjelbërim” njoftoi Policinë e Shkupit për vjedhjen e monumentit të Krste Petkov Misirkov, i cili ndodhej në Parkun e Qytetit, pranë kazermës së Qytetit të Shkupit.

Më vonë gjatë ditës, në orën 13:25, shkolla fillore “Gjorgjija Pulevski” në komunën e Aerodromit raportoi se një bust përkujtimor i Gjorgjija Pulevski ishte vjedhur nga oborri i shkollës.
Përveç vjedhjeve, u raportua edhe dëmtimi i bustit përkujtimor të Koço Racin, gjithashtu në Parkun e Qytetit.