Shkup – Gjykata ka dënuar Vasil Jovanovin, 20 vjeç, me 12 vjet burg për shkak të aksidentit tragjik që i mori jetën Frosina Kulakovës në një kalim këmbësorësh. Pas shpalljes së vendimit, i ati i viktimës, Todor Kulakov, shprehu indinjatën e tij duke thirrur “Gjykata është mafi!”.

Aksidenti i rëndë ndodhi më 29 janar, kur Jovanov, pa patentë shoferi dhe duke drejtuar mjetin me shpejtësi 91 kilometra në orë nën ndikimin e alkoolit, goditi për vdekje Frosina Kulakovën ndërsa ajo po kalonte rrugën në një kalim këmbësorësh me dritë jeshile.

Nga goditja e fuqishme, Kulakova ndërroi jetë në vendngjarje. Ngjarja shokoi opinionin publik dhe ngjalli reagime të shumta.

Fjalët “Gjykata është mafi!“, u dëgjuan nga babai i Kulakovës menjëherë pas shpalljes së dënimit me 12 vjet burg për Jovanovin.