Vasil Jovanov është dënuar me 12 vjet burg për shkak të shkaktimit të vdekjes së Frosina Kulakovës në një aksident trafiku. Gjykata mori këtë vendim pasi Jovanov u deklarua fajtor për incidentin e rëndë që ndodhi në janar të këtij viti në bulevardin “Partizanski odredi” në Shkup.

Sipas aktakuzës, më 29 janar, Jovanov po drejtonte një automjet pa patentë shoferi me shpejtësi 91 kilometra në orë, nën ndikimin e alkoolit.

Ngjarja tragjike ndodhi kur Jovanov goditi Frosina Kulakovën në një vendkalim për këmbësorë, ndërsa ajo po kalonte me dritë jeshile. Për Jovanovin, semafori ishte i kuq.

Për shkak të forcës së goditjes, Kulakova ndërroi jetë në vendngjarje.