Qytetarët e disa rrugëve në komunat Kisela Vodë dhe Karposh në Shkup do të jenë pa ujë sot për shkak të punimeve për lidhje të reja të ujësjellësit.

Ndërprerja e furnizimit me ujë ka filluar në orën 09:00 dhe do të zgjasë deri në përfundimin e riparimeve dhe lidhjeve.

Në komunën e Kisela Vodës, pa ujë do të jenë përdoruesit e rrugëve “Nevena Georgieva Dunja”, “Drenak”, “Viktor Igo” dhe “Draga Stojanovska”.

Ndërsa në komunën e Karposhit, ndërprerja prek rrugën “Demir Trajko”, një pjesë të rrugës “Vancho Mickov” dhe bulevardin “Partizanski Odredi” në Krak 1, 3, 5, 7, 9, 11.

Qendra Rajonale e Menaxhimit të Krizave të Qytetit të Shkupit njoftoi për ndërprerjen e furnizimit me ujë, pas marrjes së njoftimit nga NP Ujësjellës dhe Kanalizime – Shkup për kryerjen e lidhjeve të ujit F100 mm.