Shkup, Maqedoni e Veriut – Festivali “Dance Fest” do të mbyllet nesër, më 13 maj, me performancën inovative dhe interaktive të vallëzimit “MYSELVES” nga grupi francez K. DANSE.

Kjo performancë e jashtëzakonshme do të zhvillohet në Teatrin Kombëtar Maqedonas, duke filluar nga ora 20:00.

“MYSELVES” paraqet një dialog midis valltarit dhe identiteteve të tij të shumta, të mishëruara në një njësi vizuale dhe zanore.

Krijimi i vallëzimit ndërthur vallëzimin bashkëkohor dhe artin dixhital, duke shfaqur një ndërveprim midis interpretuesit dhe shumë fytyrave të tij përmes transformimeve të ndryshme.

Duke përdorur sensorë truporë dhe optikë, valltari na çon në një përvojë unike artistike ku sipërfaqet e projeksionit bëhen portale për të padukshmen, dhe identitetet virtuale të interpretuesit shfaqen dhe zhduken.

Instituti Francez në Shkup dhe Festivali “Dance Fest” ftojnë të gjithë adhuruesit e vallëzimit bashkëkohor dhe artit dixhital të bashkohen dhe të jenë pjesë e kësaj eksperience unike artistike.