Vlado Janevski, një nga figurat më të rëndësishme të skenës muzikore maqedonase, do të mbajë një koncert ekskluziv më 8 gusht në ambientin unik të Teatrit Antik në Ohër. Ky aktivitet, i organizuar nga Pragma Production, konfirmon edhe një herë peshën e jashtëzakonshme artistike që Janevski mban me vete prej gati tre dekadash.

Në ambientin e veçantë të një prej hapësirave më të bukura të vendit, do të ringjallen baladat që janë pjesë e emocionit kolektiv – “Crno Tikveshko”, “Evergreen”, “Nekogash i Negde”, “Tajna otrovna”, këngë me të cilat jemi rritur, pjekur, gëzuar dhe pikëlluar.

Në qytetin ku çdo gur kalldrëmi ka një histori dhe çdo frymë është e mbushur me histori dhe bukuri, Vlado do të performojë në skenë nën qiellin e hapur, përballë një publiku që e ka ndjekur dhe dashuruar për breza të tërë. Teatri Antik, me atmosferën e tij specifike, do të jetë skenografia ideale për një udhëtim muzikor mbrëmjeje nëpër hitet e përjetshme të këtij artisti të shquar.

Koncerti i 8 gushtit, do t’ju kujtojë momente që mendonit se i kishit harruar, do t’ju bëjë të kujtoni kë keni dashur, kë keni humbur dhe pse dashuria mbetet gjithmonë mësimi më i rëndësishëm i jetës.