Shkup, Maqedoni e Veriut – Ndeshja e shumëpritur e hendbollit mes Maqedonisë së Veriut dhe Lituanisë, e cila do të zhvillohet sonte në Qendrën Sportive “Jane Sandanski”, është shitur tërësisht.

Interesi i madh i publikut maqedonas për të mbështetur ekipin kombëtar ka bërë që të gjitha biletat të shiten para fillimit të ndeshjes.

Përpara ndeshjes, seleksionuesi i Maqedonisë ka bërë të ditur përbërjen e ekipit për ndeshjen e fundit kualifikuese për Kampionatin Evropian 2026. Ekipi do të jetë i njëjtë me atë që fitoi ndaj Estonisë në Talin.

Martin Tomovski do të jetë portieri i Maqedonisë në këtë ndeshje të rëndësishme.

Ndeshja do të fillojë në orën 18:00.