Një person 58-vjeçar, D.A. nga Makedonska Kamenica, u gjet i vdekur në ujërat e Liqenit të Kalimancit. Departamenti i Policisë në Makedonska Kamenica mori raportimin dje në orën 09:45.

D.A. ishte raportuar më parë si i humbur nga shtëpia.

Një mjek konfirmoi vdekjen në vendngjarje. Sipas raportimeve, nuk kishte shenja të dukshme dhune në trup.

Një ekip inspektimi nga Departamenti i Policisë së Delçevës kreu një kontroll në vendin e ngjarjes. Me urdhër të prokurorit publik, trupi i pajetë iu dorëzua familjes.