Një 57-vjeçar nga fshati Vizbegovë i Shkupit u arrestua sot pas një aksidenti të rëndë trafiku që ndodhi mbrëmë në rrugën “John Kennedy” në Shkup. F.A., identiteti i të cilit u bë i ditur nga policia, drejtonte një automjet “Renault” kur u përplas me një motoçikletë “BMW”.

Aksidenti ndodhi rreth orës 21:20 të datës 5 shtator 2025. Motoçiklisti, A.C. 25 vjeç nga Shkupi, pësoi lëndime të rënda trupore dhe u dërgua menjëherë në Kompleksin Klinik “Nënë Tereza” për trajtim mjekësor.

Pas raportimit të aksidentit, Sektori për Punë të Brendshme (SPB) Shkup kreu një hetim në vendin e ngjarjes.

Me urdhër të prokurorit publik, u krye ekspertizë nga një ekip inspektimi nga SPB Shkup. Shoferi i automjetit “Renault” u arrestua menjëherë pas hetimit.

Ndaj F.A. do të ngrihet kallëzim penal me procedurë të shpejtë, në konsultim me prokurorin publik, për shkaktimin e aksidentit.