Valentin Manasievski, anëtar i KK të VMRO-DPMNE, ka akuzuar Venco Filipçen se ka lidhje me trafikantin e drogës Andon Stojkov dhe i ka bërë thirrje publike që të distancohet nga ai. Sipas Manasievskit, nëse Filipçe nuk distancohet sot, do të lindin dyshime të forta se lidhja mes tyre është më shumë se miqësore.

Manasievski ka shtruar pyetje publike për Filipçen, duke pyetur se çfarë interesi ka ai tek trafikanti i drogës Stojkov dhe pse po hesht prej ditësh. Ai gjithashtu ka pyetur nëse miqtë trafikantë janë më të rëndësishëm për Filipçen se vetë partia.

“Venco Filipçe duhet të ketë kurajën të deklarohet, a heq dorë nga trafikanti i drogës Andon Stojkov apo jo,” shtoi Manasievski. Ai theksoi se ky është dita e dytë që Filipçe po hesht dhe nuk po heq dorë nga Stojkov, duke ngritur pyetjen se çfarë interesi po mbron ai.