Komisioni Rregullator për Energji, Shërbime të Ujit dhe Shërbime të Mbeturinave Komunale (KRRE) raportoi se më shumë se gjysma e kapaciteteve të energjisë në vend vijnë nga burime të rinovueshme. Sipas Raportit Vjetor të vitit 2024, 55.72% e kapaciteteve totale janë nga burime të rinovueshme.

Në raport, KRRE thekson se për herë të parë kapacitetet e instaluara të centraleve fotovoltaike (28.40%) tejkalojnë ato të hidrocentraleve (24.13%).

Presidenti i KRRE-së, Marko Bislimoski, theksoi rëndësinë e inkurajimit të investimeve që do të sigurojnë energji balancuese në të ardhmen, për të forcuar stabilitetin dhe pavarësinë energjetike në kushtet e dominimit të kapaciteteve të energjisë së rinovueshme.

Në seksionin për gazin natyror dhe energjinë termike, KRRE thekson si ngjarje të rëndësishme certifikimin e Operatorit të Sistemit të Transmetimit të Gazit Natyror NOMAGAS, si dhe fillimin e procedurave për lëshimin e licencave për furnizimin me avull dhe ujë të nxehtë për kompaninë ENERGY ECOLINK AD Shkup (ish-Toplana Shkup Veri).

Analizat e përmbledhura në sektorin e shërbimeve të ujit konfirmojnë sërish përqindjen e lartë të ujit pa të ardhura në vitin 2024. Humbjet e ujit u regjistruan në nivel kombëtar duke arritur mesatarisht rreth 64%.