Qindra notarë dhe lojtarë të vaterpolit janë lënë pa kushte adekuate stërvitore pas mbylljes së pishinës “Boris Trajkovski” në Shkup. Partia Levica ka kritikuar ministrin e Sportit, Borko Ristovski, për mungesën e reagimit publik dhe zgjidhjeve të shpejta, pavarësisht premtimeve të mëparshme për të mbështetur sportin e notit.

Sipas Levica-s, notarët maqedonas janë të detyruar të improvizojnë, duke përdorur pishinat e tjera në vend për të vazhduar stërvitjen, gjë që sjell shpenzime shtesë për ta dhe familjet e tyre.

Levica i bën thirrje ministrit Ristovski të dalë publikisht dhe të shpjegojë planin, dinamikën dhe afatin kohor për rinovimin e pishinës, duke theksuar rëndësinë e saj për zhvillimin e sportit të notit në Maqedoni. Ata gjithashtu kërkojnë nga ministri të ofrojë ndihmë financiare të drejtpërdrejtë për klubet, notarët dhe lojtarët e vaterpolit, si dhe të gjejë një zgjidhje për situatën aktuale, kohëzgjatja e së cilës nuk dihet.

Partia thekson se sportistët kanë nevojë për orare stërvitore të përshtatshme dhe një numër të mjaftueshëm korsi, veçanërisht duke pasur parasysh garat e rëndësishme që i presin. Levica thekson se këta sportistë janë ambasadorët më të mirë të vendit dhe meritojnë mbështetje të duhur.