Autori i njohur i trillerëve psikologjikë, Sebastian Fitzek, do të jetë mysafir special në Panairin e Librit 2025 në Shkup. Fitzek, i cili konsiderohet si një nga autorët më të mëdhenj bashkëkohorë të këtij zhanri, do të prezantojë ekskluzivisht dy librat e tij të rinj të përkthyer në gjuhën maqedonase: “Vajza e Qiririt” dhe “Mimikri”.

Vizita e autorit gjerman është një ngjarje e rëndësishme për skenën letrare maqedonase dhe vjen si shpërblim për komunitetin besnik të lexuesve. Takimi personal me lexuesit, nënshkrimi i librave, biseda dhe frymëzimi janë pjesë e programit të veçantë që do të zhvillohet më 10 maj.

Fitzek theksoi se “nuk ka asgjë më të mirë se sa takimi me lexuesit, dhe në një qytet si Shkupi, ku dashuria për librat është kaq e gjallë”. Ardhja e tij vjen në një vit kur shtëpia botuese “Sakam Knigi” feston 15 vjet dashuri për librat dhe gati 500 botime.