Shkup – Moti sot do të jetë me diell dhe i ngrohtë me vranësira të lehta deri në mesatare. Sipas parashikimeve, pasdite ka kushte për shfaqje të izoluara të shiut të shkurtër dhe rrallë ndonjë bubullimë.

Do të fryjë erë e lehtë deri në mesatare kryesisht nga drejtimi perëndimor. Temperaturat minimale do të variojnë nga 8 deri në 13 gradë Celsius, ndërsa maksimalet do të arrijnë nga 22 deri në 29 gradë.

Në Shkup, pritet mot me diell dhe i ngrohtë me vranësira mesatare. Era do të fryjë e lehtë deri në mesatare nga drejtimi veriperëndimor. Temperatura minimale do të ulet në 12 gradë, ndërsa ajo maksimale do të arrijë 28 gradë Celsius.

Për ditët në vijim, meteorologët parashikojnë një periudhë me mot të ndryshueshëm, me vranësira, të ngrohtë dhe të paqëndrueshëm. Prandaj, priten reshje lokale shiu të rrëmbyeshëm, bubullima dhe erëra të forta, në disa vende në formë stuhish afatshkurtra.