Tetovë – Një aksion i përbashkët kontrolli i ndërmarrë nga policia e Tetovës, Inspektorati Shtetëror i Tregut, Zyra e të Ardhurave Publike dhe Inspektorati Shtetëror i Punës, rezultoi me arrestimin e një personi të dyshuar për lehtësim të prostitucionit. Aksioni u zhvillua dje, midis orës 12:00 dhe 14:00, në disa lokale në Tetovë, bazuar në informacione operative të marra paraprakisht.

Gjatë kontrollit në një lokal gastronomik në rrugën “Jane Sandanski” në Tetovë, në orën 14:00, u privua nga liria G.Sh., 41 vjeç, nga fshati Bojane i rajonit të Shkupit. Ajo dyshohet se ka kryer veprën penale të parashikuar në nenin 191 të Kodit Penal, pasi është gjetur në ambientet e lokalit.

Në lokal u gjet edhe menaxheri, G.N., 59 vjeç, nga Tetova. Nga të dy personat u konfiskuan telefona celularë.

G.Sh. ndodhet në mbajtje në stacionin policor. Pas dokumentimit të rastit, do të paraqitet kallëzim adekuat.