VMRO-DPMNE ka akuzuar Zoran Zaevin për skandale kriminale dhe korruptive gjatë kohës së tij në pushtet, duke përfshirë aferën “Global” të dyshuar në vlerë tetë milionë euro.

Sipas VMRO-DPMNE, Zaev, përveç shitjes së interesave kombëtare, ka drejtuar skema të përpunuara kriminale dhe mashtrimi.

Partia thekson se ajo që është edhe më tragjike është fakti që pasardhësi i Zaevit në LSDM, Venko Filipçe, e admiron atë, duke thënë se nuk ka askush si ai dhe beson se populli duhet të mësojë nga ai dhe puna e tij.

VMRO-DPMNE pyet nëse Filipçe admiron krimin e Zaevit që i solli miliona euro dhe falë LSDM-së mbeti i pandëshkuar.

Partia e pyet Filipçen nëse është i impresionuar nga kjo dhe nëse kjo është ajo që ai nënkuptonte kur lavdëronte Zaevin.

VMRO-DPMNE shtoi se Filipçe ka treguar edhe një herë se LSDM ishte dhe mbetet një simbol i krimit, korrupsionit dhe tradhtisë.

Kujtojmë që Zoran Zaev u fal nga ish-presidenti Branko Crvenkovski për këtë aferë, gjë që sipas VMRO-DPMNE, e shpëtoi nga burgu.