VMRO-DPMNE akuzon Venco Filipçen se ndjek nga afër politikat e Zoran Zaevit dhe se ai synon të zbatojë skema të ngjashme korruptive, duke përmendur rastin e “një euro për Vice”.

Partia opozitare thekson se Filipçe ka pranuar publikisht se i përmbahet politikave të Zaevit, duke ngritur shqetësime nëse kjo përfshin metoda të dyshimta si ajo e “një euro për Vice”, e cila pretendohet se Zaev e ka përdorur gjatë kohës që drejtonte Strumicën.

VMRO-DPMNE pyet nëse Filipçe po mëson nga Zaev metodat e zhvatjes dhe nëse synon të përdorë pushtetin për të zbatuar skema të ngjashme korruptive. Sipas tyre, Zaev ka grabitur Maqedoninë dhe më pas ka bërë ndryshime në Kodin Penal për të shmangur përgjegjësinë.

VMRO-DPMNE shton se është mirë që Filipçe e ka bërë të qartë lidhjen e tij me Zaevin, në mënyrë që qytetarët të jenë të vetëdijshëm për synimet e tij për të zbatuar skema të zhvilluara të zhvatjes.