Konkursi ndërkombëtar i poezisë “Angelo La Vecchia” shpall konkursin për veprën poetike më të mirë të pabotuar “Antevo Slovo”, një çmim special i festivalit, kushtuar poetit të madh maqedonas, Ante Popovski.

Poetët nga Maqedonia mund të marrin pjesë duke dërguar nga një poezi të pabotuar në adresën e e-mailit: antevoslovo@gmail.com në gjuhën maqedonase dhe italisht ose anglisht. Afati i fundit për dorëzimin e poezive është 10 maj 2025.

Ky konkurs poeti, i krijuar për të nderuar dhe përjetësuar, përmes “poezisë sublime”, shpirtin, esencën dhe thelbin e jetës, organizohet në bashkëpunim me Shoqatën për Zhvillimin e Kulturës dhe Mbrojtjen e Trashëgimisë Kulturore “Context – Strumica”.

Të gjithë pjesëmarrësit e regjistruar do të kenë mundësinë të konkurrojnë për të dy çmimet: çmimin kryesor “Angelo La Vecchia”, kushtuar Prof. Angelo La Vecchia, dhe çmimin special “Antevo Slovo”, kushtuar Ante Popovskit.

Çmimi special “Antevo Slovo” do të koordinohet nga një juri ndërkombëtare, e kryesuar nga poeti nga Maqedonia, Mitko Gogov. Shpallja e fituesit do të bëhet gjatë verës së vitit 2025 në Canicattì, Siçili, si pjesë e programit të evenimentit ndërkombëtar të poezisë “Parnassus – Angelo La Vecchia Award”.

Pjesëmarrja në këtë konkurs nënkupton pjesëmarrjen automatike për çmimin kryesor të evenimentit “Parnassus – Angelo La Vecchia Award”. Shumica e poetëve vijnë nga Italia, por ka pjesëmarrës nga e gjithë Evropa, Ballkani dhe më gjerë.