Gjatë fundjavës së festave, autoritetet policore në të gjithë vendin kanë regjistruar 2252 shkelje të rregullave të trafikut, duke përfshirë 1018 raste të tejkalimit të shpejtësisë.

Sipas Ministrisë së Brendshme, kontrollet e vazhdueshme të trafikut kanë rezultuar edhe me 308 gjoba për parkim të parregullt dhe 254 shoferë që drejtonin automjete pa patentë.

Përveç kësaj, u regjistruan 105 raste të mos përdorimit të rripit të sigurimit, 25 gjoba për motoçiklistët që nuk mbanin kaska mbrojtëse, 46 masa për përdorimin e telefonit celular gjatë drejtimit dhe 66 shoferë u larguan nga trafiku për shkak të drejtimit nën ndikimin e alkoolit. Janë shqiptuar gjithashtu 21 gjoba për kalim në semafor të kuq.

Lidhur me ligjin për automjetet, 60 automjete u hoqën nga qarkullimi, 13 prej të cilëve për shkak të defekteve teknike dhe 47 për shkak të mungesës së dokumentacionit të rregullt.

Ministria e Brendshme ka njoftuar se kontrollet e trafikut do të vazhdojnë edhe në ditët në vijim dhe u bën thirrje qytetarëve që të respektojnë rregullat e trafikut.