Dr. Shaban Saliu, kandidati për kryetar bashkie i Shuto Orizarit, ka premtuar se do t’i japë fund poshtërimit dhe do të fillojë menjëherë një aksion sistematik për pastrimin e mbeturinave në këtë komunë të Shkupit. Në një video-adresë drejtuar banorëve, Saliu theksoi se çdo frymë në Shuto Orizar sot sjell poshtërim.

Sipas tij, era e plehrave poshtëron çdo rrugë dhe mbyt fëmijët. Ai ka deklaruar se si kryetar bashkie, do të marrë një vendim të qartë: Shuto Orizari do të marrë frymë pastër.

Saliu ka premtuar se do të fillojë me një aksion të jashtëzakonshëm pastrimi pa vonesë dhe pa justifikime që në ditën e parë të mandatit të tij. Një zgjidhje afatgjatë për mbeturinat do të jetë gjithashtu një prioritet.

Ai njoftoi se do të sjellë një investim për një impiant të konvertimit të mbeturinave në energji. Saliu planifikon të riciklojë mbeturinat dhe ta bëjë komunën të qëndrueshme energjetikisht, si dhe të krijojë vende të reja pune për banorët e Shuto Orizarit.

Kandidati për kryetar bashkie theksoi se kjo është një premtim para popullit, duke deklaruar se fëmijët meritojnë ajër dhe jo turp. Ai u bëri thirrje qytetarëve romë që të mobilizohen dhe të votojnë.

“Vëllezër dhe motra romë, kjo është ora jonë për ndryshim. Shuto Orizari do të marrë frymë. Dhe kjo do të shihet,” tha Saliu.