Një 35-vjeçar nga Shkupi, me iniciale T.J., u arrestua mbrëmë nga policia në zonën e Aeroportit.

Sipas informacioneve, arrestimi ndodhi pas një raportimi për një sulm fizik ndaj një 53-vjeçari, D.M. nga Strumica me banim në Shkup, që kishte ndodhur rreth orës 21:30 në një kazino dhe para saj. T.J., së bashku me një person tjetër, dyshohet se e kanë sulmuar fizikisht D.M.

Pas ndërhyrjes së policisë, T.J. u soll në mënyrë agresive ndaj oficerëve gjatë kryerjes së detyrës zyrtare.

Gjithashtu, gruaja e tij 29-vjeçare ka raportuar se ai e kishte sulmuar fizikisht në shtëpinë e tyre.

Pas dokumentimit të plotë të rastit, do të ngrihet padi ndaj tij.