Një hotel luksoz me katër yje në qendër të Shkupit u kap duke vjedhur energji elektrike. Elektrodstribucija njoftoi se hoteli në rrugën “Luj Paster” ishte lidhur ilegalisht me rrjetin elektrik.

Gjatë një inspektimi teknik në një ndërtesë banimi pranë hotelit, ekipet zbuluan tre kabllo ilegale dhe të djegura si pasojë e ngarkesës së tepërt.

Kabllo u shkëputën menjëherë pasi përbënin rrezik të madh zjarri. Gjatë një inspektimi të mëtejshëm, u konstatua se hoteli ishte rilidhur me një nga kabllot ilegale.

Elektrodstribucija raportoi se ekipet u penguan në kryerjen e detyrave të tyre gjatë hyrjes në ambientet e hotelit.

Rasti është dokumentuar dhe një raport është dorëzuar në Ministrinë e Brendshme për lidhje ilegale me rrjetin dhe shkaktim të rrezikut të përgjithshëm të zjarrit.